چاوەڕوانم

زۆر دەمێکە چاوەڕوانی دوو لێوێکم وشەکانی تۆ بنوێنێ تۆ بنوێنێ
زۆر دەمێکە چاوەڕوانی ڕۆژگارێکم گوڵی بەهار وەربڕوێنێ ئەی بڕوێنێ

چاوەڕوانم وشەکانت بکەم بە مەشخەڵی دەستم
چاوەڕوانم خەندەکانت بکەم بە هیوای هەڵبەستم
چاوەڕوانم چاوەڕوانم چاوەڕوان

چاوەڕوانم دەرگای داخراوی ژینم لێ بکرێتەوە
شادی و خۆشی داهاتوومان ژیانی کۆن بسڕێتەوە
چاوەڕوانم چاوەڕوانم چاوەڕوان

چاوەڕوانم فرمێسکەکان بەجێ بهێڵن بیناییم
لە تاریکی ڕزگارم بێ و هەڵکەم مۆمی دواتەنیاییم
چاوەڕوانم چاوەڕوانم چاوەڕوان

چاوەڕوانم چاوەڕوانم
چاوەڕوانم لەبەر باخچە وێرانەی چەندەها ساڵەم
سەوز بێتەوە پووش و پەڵاش بەڵکوو کپ بێ دەنگی ناڵەم

دییەم ئای
چاوەڕوانم ئەو ئاواتەی دڵ ئەیویست لە دونیای ژینا
تێکەڵ نەبێ لەگەڵ ساڕێژی برینا

چاوەڕوانم هەردوو دەستم ئەژنۆکانم بەجێ بێڵن
نەفرەت بکەن لە بێزاری و تۆوی شادمانی بچێنن
چاوەڕوانم چاوەڕوانم چاوەڕوان

Zor demêke çawerwanî dû lêwêkim wişekanî to binwênê to binwênê
Zor demêke çawerwanî rojgarêkim gulî behar werbirwênê ey birwênê

Çawerwanim wişekanit bikem be meşxelî destim
Çawerwanim xendekanit bikem be hîway helbestim
Çawerwanim çawerwanim çawerwan

Çawerwanim dergay daxrawî jînim lê bikirêtewe
Şadî û xoşî dahatûman jyanî kon bisrêtewe
Çawerwanim çawerwanim çawerwan

Çawerwanim firmêskekan becê bihêln bînayîm
Le tarîkî rizgarim bê û helkem momî dwatenyayîm
Çawerwanim çawerwanim çawerwan

Çawerwanim çawerwanim
Çawerwanim leber baxçe wêraney çendeha salem
Sewz bêtewe pûş û pelaş belkû kip bê dengî nalem

Dîyem ay
Çawerwanim ew awatey dil eywîst le dunyay jîna
Têkel nebê legel sarêjî birîna

Çawerwanim herdû destim ejnokanim becê bêln
Nefret biken le bêzarî û towî şadmanî biçênin
Çawerwanim çawerwanim çawerwan