هەڵەبجە

چواردەی مانگ بوو
لەسەر گۆیژە 'با' قەڵەمەکەی ڕفانم
وەختێ گرتمەوە و پێم نووسی
پۆل پۆل فڕین وشەکانم

پانزەی مانگ بوو
سیروان قەڵەمەکەی بردم
وەختێ گرتمەوە و پێم نووسی
بوون بە ماسی شێعرەکانم

شانزەی مانگ بوو
ئاخ شانزەی مانگ
کە شارەزوور قەڵەمەکەی لێ وەرگرتم
وەختێ دایمەوە بنووسم
وەک هەڵەبجە
وشک بووبوون پەنجەکانم

Çwardey mang bû
Leser goyje 'ba' qelemekey rifanim
Wextê girtimewe û pêm nûsî
Pol pol firîn wişekanim

Panzey mang bû
Sîrwan qelemekey birdim
Wextê girtimewe û pêm nûsî
Bûn be masî şê’rekanim

Şanzey mang bû
Ax şanzey mang
Ke şarezûr qelemekey lê wergirtim
Wextê daymewe binûsim
Wek helebce
Wişk bûbûn pencekanim