ئای بەلەنجە

ئای بەلەنجە بەلەنجە بەلەنجە هیچ نەماوە
هەمووی ون بوو بزر بوو لەژێر هەوری عەباوە
هەمووی ون بوو بزر بوو بە دەست حوکمی مەلاوە

ڕەببی وێران بێ ئێران سەد ساڵ بۆ پاش گەڕاوە
بۆتە زیندانی تاریک بە دەست حوکمی مەلاوە
سەدەی بیستەمە کەچی عەبا و مەقنەعە باوە

ئەو مەقنەعەی فڕێ دە با ڕوخسارت ببینم
ئەو عەبایەی فڕێ دە با باڵاکەت ببینم
تریفەی مانگی سیمات ساڕێژ دەکا برینم

بۆچی دەیشاریتەوە جوانیت کە دنیا دێنێ
ڕۆژێ ئاگری سینەم عەباکەت دەسووتێنی

ژن دەبێ تێ بکۆشێ تا هەڵاواردە نەمێنێ
بە خەبات بۆ ڕزگاری قانوونی ڕەش بشکێنێ
ژنیش ئینسانە دەبێ خۆی مافی خۆی بستێنێ

ئای بەلەنجە بەلەنجە هەر دەمێنێ
فەقەت حوکمی مەلایە دەبێ لاچێ نەمێنێ
هەر ئاخوندە کە حوکمی دەبێ ون بێ نەمێنێ

Ay belence belence belence hîç nemawe
Hemûy win bû bizir bû lejêr hewrî ebawe
Hemûy win bû bizir bû be dest hukmî melawe

Rebbî wêran bê êran sed sal bo paş gerawe
Bote zîndanî tarîk be dest hukmî melawe
Sedey bîsteme keçî eba û meqne’e bawe

Ew meqne’ey firê de ba ruxsarit bibînim
Ew ’ebayey firê de ba balaket bibînim
Trîfey mangî sîmat sarêj deka birînim

Boçî deyşarîtewe ciwanît ke dinya dênê
Rojê agirî sînem ebaket desûtênî

Jin debê tê bikoşê ta helawarde nemênê
Be xebat bo rizgarî qanûnî reş bişkênê
Jinîş însane debê xoy mafî xoy bistênê

Ay belence belence her demênê
Feqet hukmî melaye debê laçê nemênê
Her axunde ke hukmî debê win bê nemênê