ماڵاوایی

گیانە مەودا کەمە ئاسۆ سوورە
بیر نەبوورێتەوە ڕێمان دوورە
وەختێ لێڵاوی لەبەر چاو بڕەوێ
خێڵی شەو کۆچەرە، ڕۆژ دەردەکەوێ
بەهۆمێدم کە بە ڕۆژی ڕۆشن
تیشکی ئازادی خەمان داپۆشن
ئاشکرا ڕوو بە گوڵ و گوڵزاران
بێمەوە و بێمە دەس و ڕووی یاران
ئەی موکریان بە خودات دەسپێرم
یادگار وەرگرە ئەشکی سوێرم
بێ منیش خۆش بە مەکۆی بیرەوەریم
تۆ بە جێ هێشتنە هۆی کوێرەوەریم

Gyane mewda keme aso sûre
Bîr nebûrêtewe rêman dûre
Wextê lêlawî leber çaw birewê
Xêlî şew koçere, roj derdekewê
Behomêdim ke be rojî roşin
Tîşkî azadî xeman dapoşin
Aşkira rû be gul û gulzaran
Bêmewe û bême des û rûy yaran
Ey mukiryan be xudat despêrim
Yadgar wergire eşkî swêrim
Bê minîş xoş be mekoy bîrewerîm
To be cê hêştine hoy kwêrewerîm