بێوەفایی تۆ

بێوەفایی تۆم بە ڕۆژا سەد کەڕەت بیر دێتەوە
بۆیە زامی دڵ هەموو دەم دێتە سوێ و دەکولێتەوە
لێی گەڕێ با بێ و بسووتێ دڵ بە شەمعی ڕوومەتت
ئەو پەپوولە بێزمانە تا بە کەی بوخلێتەوە؟
پڕ تەمە داخی گرانم نەوبەهاری ژینەکەم
کێ دەڵی بەفری نساری ئەو کەژە دەتوێتەوە؟
ژینەکەم ئاڵۆزە وێنەی ماشەرێکی دەس مناڵ
گش گرێپووچکەی ژیانم هەر بە تۆ دەکرێتەوە

Bêwefayî tom be roja sed keret bîr dêtewe
Boye zamî dil hemû dem dête swê û dekulêtewe
Lêy gerê ba bê û bisûtê dil be şem’î rûmetit
Ew pepûle bêzmane ta be key buxlêtewe?
Pir teme daxî giranim newbeharî jînekem
Kê delî befrî nisarî ew keje detwêtewe?
Jînekem aloze wêney maşerêkî des minal
Giş girêpûçkey jyanim her be to dekirêtewe