خەیاڵ

هەموو ڕۆژێ خەیاڵ ئەمبا بۆ دێکەی خۆمان
هەموو شەوێ لە خەومدا لەگەڵ ئازیزان
داربەڕوویە لەو بنارە ئەکەم بە ماوا
سەیری دەشتی زەهاو ئەکەم هەتا خۆراوا
خەیاڵ ئەمبا خەیاڵ ئەمبا بۆ سەفەری دوور
خەیاڵ ئەمبا خەیاڵ ئەمبا تا ئەوپەڕ سنوور
خەیاڵ ئەمبا و زەمان ئەڕوا و خەیاڵ ئەمهێنێ
دڵم بێ ئارامە ئۆقرە ناگرێ لە شوێنێ

بەیانانی بەهارانی بایکەوان جوانە
خەیاڵ توخوا لە باتیی من تێرتێر بڕوانە
لەو سەرەوە چەن دڵگیرە چەمی دەڵەشێر
لە داڵاهۆوە دێتە خوار بەرەو گەرمەسێر

خەیاڵ بڵێ بەو مەڵبەندە خەونەکانی من
لەگەڵ سۆز و خۆشەویستیی زەهاو تا مردن
دەست لەملانە و هەرگیز لەوێ جیا نابێتەوە
تا زینوو بووە بەو یادەوە هەر دەژێتەوە

دەشتی زەهاو: دەشتێکی زەهاو دەشتێکی گەورە و پڕ پیتە لە نێزیک شاری سەرپێڵی زەهاو لە پارێزگای کرماشان.
بایکەوان: شاخێکە لە نێزیک گوندی ئەلیاسی لە دەشتی زەهاو.
دەڵەشێر: چەمێکە کە لە شاخی داڵاهۆوە سەرچاوە دەگرێ.
داڵاهۆ: کۆمەڵە شاخێکە لە ناوچەی کرماشان و بەرزترین لوتکەی 2800میترە.
گەرمەسێر: ئێخڵاخ و گەرمەسێر ئەو دوو شوێنەن کە لە کۆندا خەڵک کوێستان و گەرمیانیان تێدا کردووە.

Hemû rojê xeyal emba bo dêkey xoman
Hemû şewê le xewmda legel azîzan
Darberûye lew binare ekem be mawa
Seyrî deştî zehaw ekem heta xorawa
Xeyal emba xeyal emba bo seferî dûr
Xeyal emba xeyal emba ta ewper sinûr
Xeyal emba û zeman erwa û xeyal emhênê
Dilim bê arame oqre nagrê le şwênê

Beyananî beharanî baykewan cwane
Xeyal tuxwa le batîy min têrtêr birwane
Lew serewe çen dilgîre çemî deleşêr
Le dalahowe dête xwar berew germesêr

Xeyal bilê bew melbende xewnekanî min
Legel soz û xoşewîstîy zehaw ta mirdin
Dest lemlane û hergîz lewê cya nabêtewe
Ta zînû buwe bew yadewe her dejêtewe

Deştî zehaw: deştêkî zehaw deştêkî gewre û pir pîte le nêzîk şarî serpêlî zehaw le parêzgay kirmaşan.
Baykewan: şaxêke le nêzîk gundî elyasî le deştî zehaw.
Deleşêr: çemêke ke le şaxî dalahowe serçawe degrê.
Dalaho: komele şaxêke le nawçey kirmaşan û beriztirîn lutkey 2800mître.
Germesêr: êxlax û germesêr ew dû şwênen ke le konda xelk kwêstan û germyanyan têda kirduwe.