نەورۆز

ئەم ڕۆژی ساڵی تازەیە نەورۆزە هاتەوە
جێژنێکی کۆنی کوردە بەخۆشی و بەهاتەوە
نەورۆز بوو ئاگرێکی وەهای خستە جەرگەوە
لاوان بە عەشق دەچوون بە بەرەو پیری مەرگەوە
ئەم ڕۆژی ساڵی تازەیە نەورۆزە هاتەوە
جێژنێکی کۆنی کوردە بەخۆشی و بەهاتەوە

وا ڕۆژ هەڵات لە بەندەنی بەرزی وڵاتەوە
خوێنی شەهیدە ڕەنگی شەفەق شەوق ئەداتەوە
ئەم ڕۆژی ساڵی تازەیە نەورۆزە هاتەوە
جێژنێکی کۆنی کوردە بەخۆشی و بەهاتەوە

ئەو ڕەنگە سوورە بوو کە لە ئاسۆی بڵندی کورد
مژدەی بەیانی بۆ گەلی دوور و نزیک دەبرد
ئەم ڕۆژی ساڵی تازەیە نەورۆزە هاتەوە
جێژنێکی کۆنی کوردە بەخۆشی و بەهاتەوە

Em rojî salî tazeye newroze hatewe
Cêjnêkî konî kurde bexoşî û behatewe
Newroz bû agirêkî wehay xiste cergewe
Lawan be eşq deçûn be berew pîrî mergewe
Em rojî salî tazeye newroze hatewe
Cêjnêkî konî kurde bexoşî û behatewe

Wa roj helat le bendenî berzî wilatewe
Xwênî şehîde rengî şefeq şewq edatewe
Em rojî salî tazeye newroze hatewe
Cêjnêkî konî kurde bexoşî û behatewe

Ew renge sûre bû ke le asoy bilindî kurd
Mijdey beyanî bo gelî dûr û nizîk debird
Em rojî salî tazeye newroze hatewe
Cêjnêkî konî kurde bexoşî û behatewe