ژن

ژنە کە جیلوەیی حوسنی بە عیشق ئەکا پەرواز
ژنە کە قووەت ئەخاتە خەیاڵی ڕەقس ئەنگیز
ژنە مووەللیدی عیشق و ژنیشە عیشق نەواز
ژنە کە تاری ڕوبابی حەیات ئەکا تەهزیز

سەمای واسیعی دڵ گەر لە ژن بکەی خاڵی
تەجەللیاتی بەدایع غرووب ئەکا دەیجوور
بەسەر سەمایی تەهیدا گوشاد ئەکا باڵی
لە کەوکەبی ئەمەلت ون ئەبێ تەبەسسومی نوور
ژنە کە گەوهەری سەر تاجی ئیحتیرامە ژنە
بە نووکی نەشتەری ئەڵماسی عیشق و غەرام
خوتووتی قودسیەتی حەککراوی قەلبی منە

بە سیحری خاریقی ژن پڕ قریحەمە ئیلهام
لە کونجی خاتیرەما تا ژنێکی شۆخ نەکا
پەری سیفەت بە پەلوپۆی جەماڵەوە جیلوە
لە کوێ لە سەتحی زەمینا لە سینەیی فەلەکا
ئەبێتە مەنبەعی شیعرم بەدایعی ئەشیا؟

Jine ke cîlweyî husnî be îşq eka perwaz
Jine ke quwet exate xeyalî reqsengîz
Jine muwellîdî îşq û jinîşe îşqnewaz
Jine ke tarî rubabî heyat eka tehzîz

Semay wasîyî dil ger le jin bikey xalî
Tecellyatî beday xirûb eka deycûr
Beser semayî tehîda guşad eka balî
Le kewkebî emelit win ebê tebessumî nûr
Jine ke gewherî ser tacî îhtîrame jine
Be nûkî neşterî elmasî îşq û xeram
Xutûtî qudsiyetî hekkirawî qelbî mine

Be sîhrî xarîqî jin pir qirîheme îlham
Le kuncî xatîrema ta jinêkî şox neka
Perî sîfet be pelupoy cemalewe cîlwe
Le kwê le sethî zemîna le sîneyî feleka
Ebête menbeyî şî’irim bedayiyî eşya?