شەمامە و شلێرە

ئاخ شەمامە و شلێرە، شلێرە شەمام تەنکی
ناردم بێتە ئێرە، دەنا ئێرە ناسک و تەنکی
ماچکردنی خێرە، ئەرێ خێرە شەمام تەنکی

ئەرێ وەی شەمام لە بەر نانی، لە بەر نانی شەمام تەنکی
پێم نا لە کلدانی، لە کلدانی ناسک و تەنکی
عەوام بووم نەمزانی، نەمزانی شەمام تەنکی

ئەرێ وەی شەمام لە بێستانی، لە بێستانی شەمام تەنکی
مەستە چاوی جوانی، چاوی جوانی ناسک و تەنکی
پەخشانە کەزیانی، کەزیانی شەمام تەنکی

ئەرێ وەی شەمام دڵی ئێشا، دڵی ئێشا شەمام تەنکی
کلی لە چاو کێشا، لە چاو کێشا ناسک و تەنکی
کلدانی لە پێشە، لە پێشە شەمام تەنکی

ئەرێ وەی شەمام لە تارانێ، لە تارانێ شەمام تەنکی
با بێتە هەیوانێ، هەیوانێ ناسک و تەنکی
بە ناز چاو دەڕوانێ، دەڕوانی شەمام تەنکی

ئەرێ وەی شەمامەی خەت خەتە، خەت خەتە شەمام تەنکی
گوڵی بە قیمەتە، بە قیمەتە ناسک و تەنکی
ماچکردن حەسرەتە، حەسرەتە، شەمام تەنکی

ئاخ شەمامە و شلێرە، شلێرە شەمام تەنکی
ناردم بێتە ئێرە، دەنا ئێرە، ناسک و تەنکی
ماچکردنی خێرە، دەنا خێرە شەمام تەنکی

Ax şemame û şilêre, şilêre şemam tenkî
Nardim bête êre, dena êre nask û tenkî
Maçkirdinî xêre, erê xêre şemam tenkî

Erê wey şemam le ber nanî, le ber nanî şemam tenkî
Pêm na le kildanî, le kildanî nask û tenkî
’ewam bûm nemzanî, nemzanî şemam tenkî

Erê wey şemam le bêstanî, le bêstanî şemam tenkî
Meste çawî cwanî, çawî cwanî nask û tenkî
Pexşane kezyanî, kezyanî şemam tenkî

Erê wey şemam dilî êşa, dilî êşa şemam tenkî
Kilî le çaw kêşa, le çaw kêşa nask û tenkî
Kildanî le pêşe, le pêşe şemam tenkî

Erê wey şemam le taranê, le taranê şemam tenkî
Ba bête heywanê, heywanê nask û tenkî
Be naz çaw derwanê, derwanî şemam tenkî

Erê wey şemamey xet xete, xet xete şemam tenkî
Gulî be qîmete, be qîmete nask û tenkî
Maçkirdin hesrete, hesrete, şemam tenkî

Ax şemame û şilêre, şilêre şemam tenkî
Nardim bête êre, dena êre, nask û tenkî
Maçkirdinî xêre, dena xêre şemam tenkî