نەسیحەت بێ بۆ دڵداری

نەسیحەت بێ بۆ دڵداری
عاشق مەبن بە ڕێبواری
چونکێ عاشق دڵی خوێنە
خۆی دەکوژێ لە ناچاری

عاشقان دێن لە دوور دیارن
ڕەنگیان زەرد و لێو بەبارن
لۆمە مەکەن ساحێب یارن
بە دەردی دڵ گرفتارن

دەستەی عاشقان مەجلسیان گرد
بە عام ناردیان ساقییان بانگ کرد
ساقی مەست بوو پیاڵەی پڕ کرد
چاوی گێڕا عاشقی قڕ کرد
ساقی مەست بوو پیاڵەی پڕ کرد
چاوی گێڕا عاشقی بڕ کرد

جووتێ ساقی گوارەزێڕن
مەی لە مەیخانان دەگێڕن
عاشقان لە دین وەردەگێڕن
کارمامزی دەشتی باژێڕن

Nesîhet bê bo dildarî
’aşiq mebin be rêbwarî
Çunkê ’aşiq dilî xwêne
Xoy dekujê le naçarî

’aşiqan dên le dûr dyarin
Rengyan zerdû lêw bebarin
Lome meken sahêb yarin
Be derdî dil giriftarin

Destey ’aşiqan meclisyan gird
Be ’am nardyan saqîyan bang kird
Saqî mest bû pyaley pir kird
Çawî gêra ’aşiqî qir kird
Saqî mest bû pyaley pir kird
Çawî gêra ’aşiqî bir kird

Cûtê saqî gwarezêrn
Mey le meyxanan degêrn
’aşiqan le dîn werdegêrn
Karmamzî deştî bajêrn