ئاواتێک

توخوا گیانەکەم، لەگەڵ بەیان زوو
بمگەینە کۆشکی بەرزی ئارەزوو
وەک پەیکەرێکی دەستکردی خوایی
بمخەرە ژینی پڕ دڵنیایی
وەرە بەر دەرگە بە چاوی پڕ خەو
هەر بە پۆشاکی فریشتەیی شەو
هەناسەیەکی بۆنخۆشی لێوان
بپڕژێنە سەر پەڕەی گوڵی ژیان
با بە یەک خەندەی پاکی بێ گرێ
مووچڕکێ دڵم وەکوو دیل بگرێ،
تا کپ کا داخی شەوی درێژم
کە خورپەی دڵم بۆت هەڵدەڕێژم

Tuxwa gyanekem, legel beyan zû
Bimgeyne koşkî berzî arezû
Wek peykerêkî destikirdî xwayî
Bimxere jînî pir dilnyayî
Were ber derge be çawî pir xew
Her be poşakî firîşteyî şew
Henaseyekî bonxoşî lêwan
Biprijêne ser perey gulî jyan
Ba be yek xendey pakî bê girê
Mûçrikê dilim wekû dîl bigrê,
Ta kip ka daxî şewî dirêjim
Ke xurpey dilim bot helderêjim