سیاچەمانە

سەرچاوەی ئاوێک کەڵەکێک لەسەر
ژنێ تێی ئەچێ ژنێ دێتە دەر
ئەمەش لە دێدا کانی ژنانە
قیبلەی دڵداری هەرزەکارانە
سیاچەمانە گیانە سیاچەمانە
بەهەشتی عەشقە ئەم هەورامانە
سیاچەمانە وەی وەی سیاچەمانە
هەورامان جێگەی سیاچەمانە

ئێواران پۆل پۆل لاوی کاکۆڵ لوول
سەرەڕێ ئەگرن سەرگەرم و عەجوول
هەرچەند هاڕەی دێ هەیاسەی جوانێک
لە هێلانەی دەم ئەفڕێ ئامانێک
سیاچەمانە گیانە سیاچەمانە
بەهەشتی عەشقە ئەم هەورامانە
سیاچەمانە وەی وەی سیاچەمانە
هەورامان جێگەی سیاچەمانە

عەشقی ئێوارەی سەرەڕێی کانی
بەر ئەداتە چەم کڵپەی گۆرانی
ڕۆژ ئاوا ئەبێ چەم تاریک دایە
دەنگی کنا لەیل هەر دوایی نایە
سیاچەمانە گیانە سیاچەمانە
بەهەشتی عەشقە ئەم هەورامانە
سیاچەمانە وەی وەی سیاچەمانە
هەورامان جێگەی سیاچەمانە

Serçawey awêk kelekêk leser
Jinê têy eçê jinê dête der
Emeş le dêda kanî jinane
Qîbley dildarî herzekarane
Syaçemane gyane syaçemane
Beheştî ’eşqe em hewramane
Syaçemane wey wey syaçemane
Hewraman cêgey syaçemane

Êwaran pol pol lawî kakol lûl
Sererê egirin sergermû ’ecûl
Herçend harey dê heyasey cwanêk
Le hêlaney dem efrê amanêk
Syaçemane gyane syaçemane
Beheştî ’eşqe em hewramane
Syaçemane wey wey syaçemane
Hewraman cêgey syaçemane

’eşqî êwarey sererêy kanî
Ber edate çem kilpey goranî
Roj awa ebê çem tarîk daye
Dengî kina leyl her dwayî naye
Syaçemane gyane syaçemane
Beheştî ’eşqe em hewramane
Syaçemane wey wey syaçemane
Hewraman cêgey syaçemane