لە کوردستان خۆشتر کوێیە

جوانپەرستم جوانپەرستم
بە دیداری جوانان مەستم
کە دەبینم کیژی تەڕپۆش
گشت غەمێ دەکەم فەرامۆش
کە کیژێکی جوان دەبینم
ساڕێژ دەبنەوە برینم
هەی لێ لێیە وەی لۆ لۆیە
لە کوردستان خۆشتر کوێیە

کە نازدارێ دێ ڕادەبڕێ
دڵی ساردبووم گڕ دەگرێ
کە چاو لە چاوانی دەبڕم
بە ئاسمانێدا هەڵدەفڕم
کە ڕێک دەگوشم پەنجەی نەرم
لەشی ساردم دەبێ گەرم
هەی لێ لێیە وەی لۆ لۆیە
ئاخ لێ لێیە وەی لۆ لۆیە
لە کوردستان خۆشتر کوێیە

یاری نابینم لە کەسدا هۆزی یاران چوونە کوێ
دابی دۆستی کەی تەواوبوو یاری جاران چوونە کوێ
ئەو وڵاتە شاری یار و میهرەبانان بوو سەرێک
میهرەبانی کەی تەواوبوو یاری شاران چوونە کوێ

بزەی شیرینی سەر لێوێ
هەستی پیرانەم دەبزێوێ
نازی شۆخێکی نازەنین
دەمباتە بەهەشتی بەرین
هەی ئاواتی پیرۆزی من
خۆشی دڵی بەسۆزی من
هەی لێ لێیە وەی لۆ لۆیە
لە کوردستان خۆشتر کوێیە

Cwanperistim cwanperistim
Be dîdarî cwanan mestim
Ke debînim kîjî terpoş
Gişt xemê dekem feramoş
Ke kîjêkî cwan debînim
Sarêj debnewe birînim
Hey lê lêye wey lo loye
Le kurdistan xoştir kwêye

Ke nazdarê dê radebrê
Dilî sardibûm gir degrê
Ke çaw le çawanî debirim
Be asmanêda heldefirim
Ke rêk deguşim pencey nerim
Leşî sardim debê germ
Hey lê lêye wey lo loye
Ax lê lêye wey lo loye
Le kurdistan xoştir kwêye

Yarî nabînim le kesda hozî yaran çûne kwê
Dabî dostî key tewawbû yarî caran çûne kwê
Ew wilate şarî yarû mîhrebanan bû serêk
Mîhrebanî key tewawbû yarî şaran çûne kwê

Bizey şîrînî ser lêwê
Hestî pîranem debzêwê
Nazî şoxêkî nazenîn
Dembate beheştî berîn
Hey awatî pîrozî min
Xoşî dilî besozî min
Hey lê lêye wey lo loye
Le kurdistan xoştir kwêye