جوانە ڕەوت و ڕۆیینت

جوانە ڕەوت و ڕۆینت گیانە لەبەر سایەت مرم
لادە بتبینم لەبەر ئەو قەددە ڕەعنایەت مرم

شێت و شەیدای عیشقی تۆم مەیگێڕی مەحبووبم لەکوێی
ئەی لەبەر ئەو لارولەنجە و بەژن و باڵایەت مرم

پێی بڵێ ئاوڕێک، ئەمن عومرێکە شێتی عیشقی تۆم
ئەی لەبەر ئەو چاوە مەستە و زولفە تاتایەت مرم

لێوی لەعلم تۆ گوتت، هەم دەرد ئەبەخشێ هەم دەوا
گا لەبەر دەردت مرم گا بۆ موداوایەت مرم

چاوی بەد دوور بێ لە ڕووت زۆر جوانە ڕەوت و ڕۆینت
بەو خەیاڵەی هەم لەبەر ڕەوتی کەو ئاسایەت مرم

گەرچی ڕێی حافز لە بۆ جێژوانی وەسڵی تۆ نییە
جێم کە تا بێم و لەبەر بەردەرکی بێڵایەت مرم

Ciwane rewt û royint giyane leber sayet mirim
Lade bitbînim leber ew qede renayet mirim

Şêt û şeyday îşqî tom meygêrî mehbûbim lekwêy
Ey leber ew larulence û bejn û balayet mirim

Pêy bilê awirêk, emin umrêke şêtî îşqî tom
Ey leber ew çawe meste û zulfe tatayet mirim

Lêwî lelim to gutit, hem derd ebexşê hem dewa
Ga leber derdit mrim ga bo mudawayet mirim

Çawî bed dûr bê le rût zor ciwane rewt û royint
Bew xeyaley hem leber rewtî kew asayet mirim

Gerçî rêy aşiq le bo cêjwanî weslî to nîye
Cêm ke ta bêm û leber berderkî bêlayet mirim