هیرۆشیمای کوردستان

لە کوردستان ئەگەر جەژنی هونەر بێ
دەبێ شینی گەلێکی دەربەدەر بێ
گەلێ گریاوە شارێ بۆ مەزارێ
دەبێ شینی چلۆن بێ مەرگی شارێ
دەنگی داوە لە جیهان
هیرۆشیمای کوردستان

گەلێ گریاوە شارێ بۆ مەزارێ
دەبێ شینی چلۆن بێ مەرگی شارێ
کەسێ نەیدیوە تا ئەوڕۆ بەهارێ
کە باران و تەمی مردن ببارێ
دەنگی داوە لە جیهان
هیرۆشیمای کوردستان

منداڵانی هەڵەبجە دڵ بەخوێنن
سروودی ماتەم و دووری دەخوێنن
هەموویان پێ پەتی، مات و پەشێون
دەڵێی هێشتاکوو ڕێگەی کۆچ ئەپێون
دەنگی داوە لە جیهان
هیرۆشیمای کوردستان

نە هاوارێ، نە گریانێ، نە شینێ
نە کەس مەرگی عەزیزی خۆی ئەبینێ
دەنگی داوە لە جیهان
هیرۆشیمای کوردستان

Le kurdistan eger cejnî huner bê
Debê şînî gelêkî derbeder bê
Gelê giryawe şarê bo mezarê
Debê şînî çilon bê mergî şarê
Dengî dawe le cîhan
Hîroşîmay kurdistan

Gelê giryawe şarê bo mezarê
Debê şînî çilon bê mergî şarê
Kesê neydîwe ta ewro beharê
Ke baranû temî mirdin bibarê
Dengî dawe le cîhan
Hîroşîmay kurdistan

Mindalanî helebce dil bexwênin
Sirûdî matemû dûrî dexwênin
Hemûyan pê petî, matû peşêwin
Delêy hêştakû rêgey koç epêwin
Dengî dawe le cîhan
Hîroşîmay kurdistan

Ne hawarê, ne giryanê, ne şînê
Ne kes mergî ’ezîzî xoy ebînê
Dengî dawe le cîhan
Hîroşîmay kurdistan