شەپۆلی شێت

من شەپۆلی شێت باوەشت کەنار
دێمە کەنارت مەست و بێ قەرار
من دەریای بێ ڕەنگ تۆ ئاسمانی گەش
شینایی تۆیە گرتوومە باوەش
تۆ بای سەرکەشی ناکەویتە داو
تا دێم ڕاتبگرم هەڵ ئەکەی بە تاو

تۆ هەتاوی گەش من بەفری کوێستان
قەدەمڕەنجەت کرد بمکەی بە قوربان
من هیلاکی شەونەخوونی و دەردم
تۆ گەرمی عەشقی شەوانی سەردم
تۆ بای سەرکەشی ناکەویتە داو
تا دێم ڕاتبگرم هەڵ ئەکەی بە تاو

Min şepolî şêt baweşt kenar
Dême kenarit mestû bê qerar
Min deryay bê reng to asmanî geş
Şînayî toye girtûme baweş
To bay serkeşî nakewîte daw
Ta dêm ratbigrim hel ekey be taw

To hetawî geş min befrî kwêstan
Qedemrencet kird bimkey be qurban
Min hîlakî şewnexûnîw derdim
To germî ’eşqî şewanî serdim
To bay serkeşî nakewîte daw
Ta dêm ratbigrim hel ekey be taw