ئەی مانگ

ئەی مانگ من و تۆ هەردوو هاودەردین
هەردوو گرفتار یەک ئاهی سەردین
تۆ وێڵ و ڕەنگزەرد بە ئاسمانەوە
منیش دەربەدەر بە شارانەوە
دەخیلتم ئەی مانگ قیبلەی دڵداران
دەرمانی دەردی دڵەی بیماران
شەوێکە و ئەمشەو بگەرە فریام
بێ یار و هاودەم عاجز و تەنهام
دڵزار و بێزار و پەست و غەمگینم
دڵزار و بێزار و خەیلێ غەمگینم
گیرۆدەی داوی لەیلی شیرینم
دڵبەندی عەشقی ئەو بەڵەک چاوەم
شێت و شەیدای ئەگریجە خاوم
لەوساوە ئەوم کەوتۆتە خەیاڵ
گریانە پیشەم بوومە کۆی زوخاڵ
ئەی مانگ تۆ شوعلەی عەشقی پیرۆزی
تۆ نەشئەبەخشی دڵەی بسۆزی
قەسەمت ئەدەم بە عەشق و جوانی
بەنەسیمەکەی بەری بەیانی
بەسەرهاتی خۆت بۆ من بەیان کە
دەردی گرانم نەختێ ئاسان کە

Ey mang min û to herdû hawderdîn
Herdû giriftar yek ahî serdîn
To wêl û rengizerd be asmanewe
Minîş derbeder be şaranewe
Dexîltim ey mang qîbley dildaran
Dermanî derdî diley bîmaran
Şewêke û emşew bigere firyam
Bê yar û hawdem ’aciz û tenham
Dilzar û bêzar û pest û xemgînim
Dilzar û bêzar û xeylê xemgînim
Gîrodey dawî leylî şîrînim
Dilbendî ’eşqî ew belek çawem
Şêt û şeyday egrîce xawim
Lewsawe ewm kewtote xeyal
Giryane pîşem bûme koy zuxal
Ey mang to şu’ley ’eşqî pîrozî
To neş’ebexşî diley bisozî
Qesemit edem be ’eşq û cwanî
Benesîmekey berî beyanî
Beserhatî xot bo min beyan ke
Derdî giranim nextê asan ke