یادگاری شیرین - چاوەکەم

چاوەکەم چاوی ڕەشی تۆ ئافەتی گیانی منە
گیانەکەم برژانگی تیژت نووکە ڕمبی دوژمنە

شیری دەستی شێری ئاڵایە برۆ ڕاکشاوەکەت
جەرگی لاوێکی هەژاری کوردی ورد پێ بنجنە
دیدەیی بەخوماری تۆ تورکانە بەدمەستی دەکا
بۆیە مەیلی وا بە کێشە و فیتنە و خوێن ڕشتنە

بەژنەکەت سێدارەیە کەزیەت تەنافە زووبە دەی
بیخە ئەستۆی من کە کوردم کورد بەشی خنکاندنە
ئارەزوومە هیچ نەبێ جارێکی ماچ کەم زاری تۆ
ئارەزووی من چووکە ئەمما تا بفەرمووی شیرینە

Çawekem çawî reşî to afetî gyanî mine
Gyanekem birjangî tîjit nûke rimbî dujmine

Şîrî destî şêrî alaye biro rakşaweket
Cergî lawêkî hejarî kurdî wird pê bincine
Dîdeyî bexumarî to turkane bedmestî deka
Boye meylî wa be kêşew fîtnew xwên riştine

Bejneket sêdareye kezyet tenafe zûbe dey
Bîxe estoy min ke kurdim kurd beşî xinkandine
Arezûme hîç nebê carêkî maç kem zarî to
Arezûy min çûke emma ta bifermûy şîrîne