گیان و گیان و گیان

دڵە بە هیوای گەردن پڕ خاڵان
خۆت مەدە لە تیر موژەی چاو کاڵان
سەیری گوڵ بکە لە عەشقی دڵدار
یەخەی خۆی دڕی دای بە قەو چڵ دار

بێهوودە بولبول لەم چڵ بۆ ئەو چڵ
لەبەر دەردی دڵ وا بێدەنگە گوڵ
بسووتێ وەک شەم بێ زیاد و کەم
هاوڕازت کزە و سۆزی دەرد و غەم

یارێ ئەو یارە ئێشە ئازارە
دەردە هێجرانە وەک ژەهری مارە
جەوی خەم لە سێنگ دڵی دڵ غەمگین
بۆچی بێ ئەبێ ناڵە و گریە و شین

خۆرەتاوم خوێن دیدەی پڕ دەردە
نەسیمم شنەی گیان و گیان و گیان
وەی هەناسەی سەردە
ئاخ وەی هەناسەی سەردە

نە دەردەدارم نە کەسم مەردەن
ڕەنگ زەرد و پەشێو گیان و گیان و گیان
تاسەی تۆم کەردن
ئاخ وەی تاسەی تۆم کەردەن

وەرە سەیری کە ڕوومەتی زەردم
پشتی چەماوم گیان و گیان و گیان
تاسەی تۆم کەردەن
ئاخ وەی تاسەی تۆم کەردەن

Dile be hîway gerdin pir xalan
Xot mede le tîr mujey çaw kalan
Seyrî gul bike le ’eşqî dildar
Yexey xoy dirî day be qew çil dar

Bêhûde bulbul lem çil bo ew çil
Leber derdî dil wa bêdenge gul
Bisûtê wek şem bê zyadû kem
Hawrazit kizew sozî derdû xem

Yarê ew yare êşe azare
Derde hêcrane wek jehrî mare
Cewî xem le sêng dilî dil xemgîn
Boçî bê ebê nalew giryew şîn

Xoretawim xwên dîdey pir derde
Nesîmim şiney gyanû gyanû gyan
Wey henasey serde
Ax wey henasey serde

Ne derdedarim ne kesim merden
Reng zerdû peşêw gyanû gyanû gyan
Tasey tom kerdin
Ax wey tasey tom kerden

Were seyrî ke rûmetî zerdim
Piştî çemawim gyanû gyanû gyan
Tasey tom kerden
Ax wey tasey tom kerden