ڕۆڵەی شیرینم ئازیزەکەم

ڕۆڵەی شیرینم ئازیزەکەم
ئارامی گیانم دیدەکەم ئارامی گیانم
غونچەی گوڵزاری ئازیزەکەم باغچەی ژیانم
گیان و گیان باغچەی ژیانم
جگەرگۆشەکەم بەرهەمی ژینم
سەروەت و ماڵم ئایین و دینم
هەی لایە لایە کۆرپەی ساوایە
کوێر بێ ئەو چاوەی بە تۆ هەڵنایە

هێز و تەوژمم ئازیزەکەم
بینای چاوانم دیدەکەم بینای چاوانم
هاودەنگی بەزمی ئازیزەکەم ڕۆژ و شەوانم
گیان و گیان ڕۆژ و شەوانم
ڕۆڵە گیان مەگری مەگرە بەهانە
دێر و درەنگە بەری بەیانە
هەی لایە لایە کۆرپەی ساوایە
قەزات لە گیانم تاقانەی دایە

هەرچەن تۆ دەگری ئازیزەکەم جەرگم کەبابە
دیدەکەم جەرگم کەبابە
تۆ شاگوڵی جوان من پاسەوانم
نازت ئەکێشم هەتا بتوانم
هەی لایە لایە کۆرپەی ساوایە
دایە ماندووە بۆچ خەوت نایە

Roley şîrînim azîzekem
Aramî gyanim dîdekem aramî gyanim
Xunçey gulzarî azîzekem baxçey jyanim
Gyanû gyan baxçey jyanim
Cigergoşekem berhemî jînim
Serwetû malim ayînû dînim
Hey laye laye korpey sawaye
Kwêr bê ew çawey be to helnaye

Hêzû tewjimim azîzekem
Bînay çawanim dîdekem bînay çawanim
Hawdengî bezmî azîzekem rojû şewanim
Gyanû gyan rojû şewanim
Role gyan megrî megre behane
Dêrû direnge berî beyane
Hey laye laye korpey sawaye
Qezat le gyanim taqaney daye

Herçen to degrî azîzekem cergim kebabe
Dîdekem cergim kebabe
To şagulî cwan min pasewanim
Nazit ekêşim heta bitwanim
Hey laye laye korpey sawaye
Daye manduwe boç xewt naye