ئەوینستان

لە گۆرانی و سۆز بەولاوە لەم دنیایە چی شک ئەبەم
بۆ ئەوەی هەستم دەربڕم وشە نەما پەی پێ نەبەم

چیم هەیە من بێ لە عەشق و چەپکێ هۆنراوە بەولاوە
لە کۆڕی ئەویندارانا سەرکردەی عاشقانم ناوە
چی ئاواز و سۆزی گەرمە هەر هەمووی بۆ تۆ وتراوە
ئەو دێڕەی ناوی تۆ ئەبات لە پەڕەی دڵم نووسراوە

من خەڵکی ئەوینستانم باکم نییە لە ژیانا
تەمەن ئەکەم بە قوربانی یەک هەناسە لە جێژوانا
بۆیە دەنگ و سەدای خۆمم هەمووی لە پێناوتا دانا
ئەمزانی ژیان بێ ئەوێن نییەتی ئەرزش و مانا

Le goranîw soz bewlawe lem dinyaye çî şik ebem
Bo ewey hestim derbirim wişe nema pey pê nebem

Çîm heye min bê le ’eşqû çepkê honrawe bewlawe
Le korî ewîndarana serkirdey ’aşiqanim nawe
Çî awazû sozî germe her hemûy bo to witrawe
Ew dêrey nawî to ebat le perey dilim nûsrawe

Min xelkî ewînistanim bakim nîye le jyana
Temen ekem be qurbanî yek henase le cêjwana
Boye dengû seday xomim hemûy le pênawta dana
Emzanî jyan bê ewên nîyetî erzşû mana