خۆشم ئەوێ وڵاتەکەم

خۆشم ئەوێ، خۆشم ئەوێ
ئەم نیشتمانەم خۆش ئەوێ
تا لێدانی دڵ ئەسرەوێ
هیچ لە بەر چاوم ناکەوێ
خۆشم ئەوێ وڵاتەکەم
کانگای هیوا و ئاواتەکەم

ئا ئەم هەوا و ئاو و گڵە
بۆ ژیانم خوێنی دڵە
دڵ کە بولبولی سەرچڵە
شەیدایە بۆ ڕووی ئەو گوڵە
خۆشم ئەوێ وڵاتەکەم
کانگای هیوا و ئاواتەکەم

خۆشم ئەوێ، خۆشم ئەوێ
ئاواتە خوازم سەرکەوێ
ناوی لە ناوا دەرکەوێ
گەشە و ڕووناکی بەرکەوێ
خۆشم ئەوێ وڵاتەکەم
کانگای هیوا و ئاواتەکەم

دڵم ئەڵێ، وەک زمانم
خۆشم ئەوێ نیشتیمانم
خۆشەویستی نیشتیمانم
بۆتە سەرلەوحەی ئیمانم
خۆشم ئەوێ وڵاتەکەم
کانگای هیوا و ئاواتەکەم

کوردستانە خۆشەویستم
هەتا ماوم ئەیپەرستم
بە جوانی دیمەنی مەستم
هاوار ئەکا هۆش و هەستم
خۆشم ئەوێ وڵاتەکەم
کانگای هیوا و ئاواتەکەم

Xoşim ewê, xoşim ewê
Em nîştimanem xoş ewê
Ta lêdanî dil esrewê
Hîç le ber çawim nakewê
Xoşim ewê wilatekem
Kangay hîwa û awatekem

A em hewa û aw û gile
Bo jyanim xwênî dile
Dil ke bulbulî serçile
Şeydaye bo rûy ew gule
Xoşim ewê wilatekem
Kangay hîwa û awatekem

Xoşim ewê, xoşim ewê
Awate xwazim serkewê
Nawî le nawa derkewê
Geşe û rûnakî berkewê
Xoşim ewê wilatekem
Kangay hîwa û awatekem

Dilim elê, wek zimanim
Xoşim ewê nîştîmanim
Xoşewîstî nîştîmanim
Bote serlewhey îmanim
Xoşim ewê wilatekem
Kangay hîwa û awatekem

Kurdistane xoşewîstim
Heta mawim eyperistim
Be cwanî dîmenî mestim
Hawar eka hoş û hestim
Xoşim ewê wilatekem
Kangay hîwa û awatekem