ماڵە چۆڵەکەم

بیرت ئەکەم بیرم ئەکەی خەمت ئەخۆم خەمم ئەخۆی
ئەم دوورییە نەبڕایەوە ئەوە تەمەنمان هەمووی ڕۆی
وەرە با پرچت شانە کەم با کل بنەم لە چاوانت
وا بڕیار بوو ئاهەنگ ساز کەی نەک شیوەنی دابڕانت

ڕووناکی ماڵە چۆڵەکەم تەنها تیشکی، یەک مۆمێکە
هەڵبەست و گۆرانی شەوم تەنها بۆ تۆ، بۆ عەشقێکە
بیرت ئەکەم بیرم ئەکەی خەمت ئەخۆم خەمم ئەخۆی
ئەم دوورییە نەبڕایەوە ئەوە تەمەنمان هەمووی ڕۆی
کەی دێی بەر دەرگای ماڵەکەم چاوەڕێی هەنگاوەکانتە
کەی دێی ژوورە تاریکەکەم شەیدای تیشکی چاوەکانتە

Bîrit ekem bîrim ekey xemit exom xemim exoy
Em dûrîye nebrayewe ewe temenman hemûy roy
Were ba piriçit şane kem ba kil binem le çawanit
Wa biryar bû aheng saz key nek şîwenî dabranit

Rûnakî male çolekem tenha tîşkî, yek momêke
Helbestû goranî şewm tenha bo to, bo ’eşqêke
Bîrit ekem bîrim ekey xemit exom xemim exoy
Em dûrîye nebrayewe ewe temenman hemûy roy
Key dêy ber dergay malekem çawerêy hengawekante
Key dêy jûre tarîkekem şeyday tîşkî çawekante