ڕێژنە (تۆ بەڵێنم پێ بدە)

تۆ بەڵێنم پێ بدە تا من بەرەو ژوان ببمەوە
بمدەیە ماچێکی تەڕ لەم لێوە، با جوان ببمەوە
دەستی لەرزۆکم هەتا تێیدایە هێزی بەی گوشین
لێم گەڕێ تاوێ لە باخی سینە میوان ببمەوە
شەنگەبێری بسڕەوە فرمێسکی بێ شوانی ئیتر
ڕەنگە هێشتا لەو چیا و زۆزانە بۆ شوان ببمەوە
من گوڵی سەر گۆڕی ئاواتی لەمێژینەم بەڵام
ڕێژنێکم لێ بدا پێم وایە بۆ ڕوان ببمەوە
شێخی سەنعان بۆ کچی گاور لە ئیسلام وەرگەڕا
من خەریکم بۆ کچە شێخێ پەژیوان ببمەوە

To belênim pê bide ta min berew jwan bibmewe
Bimdeye maçêkî ter lem lêwe, ba cwan bibmewe
Destî lerzokim heta têydaye hêzî bey guşîn
Lêm gerê tawê le baxî sîne mîwan bibmewe
Şengebêrî bisrewe firmêskî bê şwanî îtir
Renge hêşta lew çyaw zozane bo şwan bibmewe
Min gulî ser gorî awatî lemêjînem belam
Rêjnêkim lê bida pêm waye bo rwan bibmewe
Şêxî sen’an bo kiçî gawir le îslam wergera
Min xerîkim bo kiçe şêxê pejîwan bibmewe