جوانی بێ ناو

قژکاڵی لێوئاڵی پرشنگی نیگاکاڵ
ئەی کچە جوانەکەی سەر گۆنا نەختێک ئاڵ
ئەی کچە مەنگەکەی بە دەنگی چپە دوو
گەندەمووی دەموچاو مەچەک هەڵنەگرتوو
ئەی ئەندام وردیلەی نەرمۆڵەی ئێسک سووک
ئەی بەرگی ساکارت دڵگیرتر لە هی بووک

ڕاستە من ڕێبوارم، سەرپێیی ئەڕوانم
بەڵام وا جوانیی تۆ کاری کرد لە گیانم
دەڵێی نەک هەر ئێستا عومرێکی درێژە
بەو دەست و پەنجانەت برینم ساڕێژە

کانییەکی ڕوونی بەر تریفەی مانگەشەو
لە بنیا بلەرزێ مرواریی زیخ و چەو
جوانترە لە لای من لە دەریای بێ سنوور
شەپۆلی باتە بەر تیژگی خۆر شڵپ و هووڕ

Qijkalî lêw’alî pirşingî nîgakal
Ey kiçe cwanekey ser gona nextêk al
Ey kiçe mengekey be dengî çipe dû
Gendemûy demuçaw meçek helnegirtû
Ey endam wirdîley nermoley êsk sûk
Ey bergî sakarit dilgîrtir le hî bûk

Raste min rêbwarim, serpêyî erwanim
Belam wa cwanîy to karî kird le gyanim
Delêy nek her êsta ’umrêkî dirêje
Bew destû pencanet birînim sarêje

Kanîyekî rûnî ber tirîfey mangeşew
Le binya bilerzê mirwarîy zîxû çew
Cwantire le lay min le deryay bê sinûr
Şepolî bate ber tîjgî xor şilpû hûr