فاتمە دوو چاوی مەستت

فاتمە دوو چاوی مەستت پڕ لە سیحر و جوانییە
پڕ شەرابی خۆشەویستی و عارەقی یەزدانییە
بەژن و باڵاکەت نموونەی هەیکەلی یۆنانییە
لار و لەنجەت مۆسیقایە بەستەیە گۆرانییە

بووکی ڕازاوەی خەیاڵم گیانەکەم ست فاتمە
سەروەتم ناوێ بزەی تۆ ئەوپەڕی ئاواتمە

گەرچی دڵداری لەم عەسری تازەیە ئەفسانەیە
هەر بەتەنیا بۆ کوڕی خاوەن تەلار و عانەیە

گیانەکەم ئەمما دڵی من لەو دڵە شێتانەیە
بێ ئەوەی هیچ شک بەرێ کوژراوی ئەو چاوانەیە

هەر بەتەنیا خۆشەویستی شک ئەبەم گیانەکەم ست فاتمە
سەروەتم ناوێ بزەی تۆ ئەوپەڕی ئاواتمە

Fatme dû çawî mestit pir le sîhrû cwanîye
Pir şerabî xoşewîstîw ’areqî yezdanîye
Bejnû balaket nimûney heykelî yonanîye
Larû lencet mosîqaye besteye goranîye

Bûkî razawey xeyalim gyanekem sit fatme
Serwetim nawê bizey to ewperî awatme

Gerçî dildarî lem ’esrî tazeye efsaneye
Her betenya bo kurî xawen telarû ’aneye

Gyanekem emma dilî min lew dile şêtaneye
Bê ewey hîç şik berê kujrawî ew çawaneye

Her betenya xoşewîstî şik ebem gyanekem sit fatme
Serwetim nawê bizey to ewperî awatme