کیژان دەچنە مێرگۆڵان

کیژان ئەچنە مێرگۆڵان وەی وەی مێرگینە بە عام دەچنن هەڵاڵان
ئارەق لەو هانیەی دەتکێ تک تک دێنە خوار تەڕ دەکەن وردەخاڵان
کیژێ بێنە ماچت کەم وەی وەی بتگوشم وەباڵ بەستۆی دەڵاڵان
یاری خومار و نێرگیز بۆچی نایە بیبینم
پڕ بە دڵ تەماشای کەم دەربچێ گیانی شیرینم
ئەمان یا ڕەبی مەرگت نەبینم

کیژان ئەچنە مێرگۆڵان وەی وەی مێرگینە تێکڕا دەچنن بیزایە
ئارەق لەو هانیەی دەتکێ تک تک دێنە خوار تەڕ بوون خاڵی لەیلایە
لەوەتەی ئەو ژنەم دیوە قەت کەسم وەبیر نایە
چاوی خومار و نێرگیز بۆچی نایە بیبینم
پڕ بە دڵ تەماشای کەم دەربچێ گیانی شیرینم

Kîjan eçne mêrgulan wey wey mêrgîne be ’am deçnin helalan
Areq lew hanyey detkê tik tik dêne xwar ter deken wirdexalan
Kîjê bêne maçit kem wey wey bitguşim webal bestoy delalan
Yarî xumarû nêrgîz boçî naye bîbînim
Pir be dil temaşay kem derbiçê gyanî şîrînim
Eman ya rebî mergit nebînim

Kîjan eçne mêrgulan wey wey mêrgîne têkra deçnin bîzaye
Areq lew hanyey detkê tik tik dêne xwar ter bûn xalî leylaye
Lewetey ew jinem dîwe qet kesim webîr naye
Çawî xumarû nêrgîz boçî naye bîbînim
Pir be dil temaşay kem derbiçê gyanî şîrînim