لای لای سوورەگوڵ

دەستم بە دامێن قوربان دەگرم کەمبەرت
چونکێ بەگزادەی هاوار دەبمە نۆکەرت
دەی جا لوتفت بێ مردم سندووقی سەرت
لای لای سوورەگوڵ لای لای چۆنت ڕاژێنم
ئیجازەم بدە هاوار سەرپەنجەم بێنم
وات ڕادەژێنم وەڵا ڕاتناچڵەکێنم

دەست بە دەستەوە خانم دەگرم داوێنت
خۆم بم بە سەرگەرد هاوار کوڵمی پڕخوێنت
دەیدەم لە تۆڵە هاوار مڵکی لاوێنت -
لای لای سوورەگوڵ لای لای چۆنت ڕاژێنم
ئیجازەم بدە مردم سەرپەنجەم بێنم
وات ڕادەژێنم وەڵا هەڵتناستێنم
لای لای سوورەگوڵ لای لای تاقانەی دایە
بمدەیە ماچێ مردم لە ڕێی ئەو خودایە
وابزانە نان بوو توخدا دات بە گەدایە

Destim be damên qurban degirim kemberit
Çunkê begzadey hawar debme nokerit
Dey ca lutifit bê mirdim sindûqî serit
Lay lay sûregul lay lay çonit rajênim
Îcazem bide hawar serpencem bênim
Wat radejênim wela ratnaçlekênim

Dest be destewe xanim degirim dawênit
Xom bim be sergerd hawar kulmî pirxiwênit
Deydem le tole hawar milkî lawênit -
Lay lay sûregul lay lay çonit rajênim
Îcazem bide mirdim serpencem bênim
Wat radejênim wela heltinastênim
Lay lay sûregul lay lay taqaney daye
Bimdeye maçê mirdim le rêy ew xudaye
Wabzane nan bû tuxda dat be gedaye