دڵوەشیم نییەن

دڵوەشیم نییەن چارم ناچارەن
عیشقم هەر بەزمی ئازیز ئاوارەن

یاران کێتەرەن چوون من ماتەم بۆ
وەهارش پاییز پاییزەکەش غەم بۆ

بەخوا گیانەکەم وەهارم خەمەن پاییزم خەزان
جە دەسم بەرشی دیدەن ئازیزان

پاییزەن ئامان ڕەنگ زەردی پەی چەم
چین چین مەڕێزۆ غەم وە بانی غەم

ئینجا غەمەن پەژارەن ڕەفێقی ڕامەن
چەنی جەفا و جەور دایمە سەدامەن

ئینجا گیانەکەم ئەر سەد ساڵ سۆچۆ وەندار جە شاخان
چ پەروا دارۆ عەرعەر جە باخان

بەخوا گیانەکەم هەرکەس دماو وێش نەبۆش یادگار
باخی وجوودش بێ گەڵان بێ بار

Dilweşîm nîyen çarim naçaren
’îşqim her bezmî azîz awaren

Yaran kêteren çûn min matem bo
Weharş payîz payîzekeş xem bo

Bexwa gyanekem weharim xemen payîzim xezan
Ce desim berşî dîden azîzan

Payîzen aman reng zerdî pey çem
Çîn çîn merêzo xem we banî xem

Înca xemen pejaren refêqî ramen
Çenî cefaw cewr dayme sedamen

Înca gyanekem er sed sal soço wendar ce şaxan
Çi perwa daro ’er’er ce baxan

Bexwa gyanekem herkes dimaw wêş neboş yadgar
Baxî wicûdiş bê gelan bê bar